Hovudavtalen mellom arbeidstakarar og arbeidsgjevarar

Arbeidarane fekk rett til å organisere seg, til å forhandle om lønn og arbeidsvilkår og til å streike ved tariffoppgjera der lønn og andre arbeidsvilkår blei fastsett. Samstundes måtte dei godta at arbeidsgjevarane hadde styringsrett og at dei kunne bruke utestenging eller lockout ved konfliktar.

Staten skulle vere nøytral ved konfliktar i arbeidslivet. Samarbeid og gjensidig tillit mellom staten og dei to partane i arbeidslivet skulle sikre produksjon, vekst og velferdsutvikling. Dette blir gjerne kalla den norske modellen.