Den internasjonale fråsegna om Menneskerettane

Fråsegna inneheld i alt 30 artiklar som tar for seg menneskeverdet. At rettane gjeld for absolutt alle, at alle har rett til liv, fridom og tryggleik. Det er artiklar om slaveri, tortur, rettstryggleik, likskap for loven, rettshjelp, vilkårleg fengsling, uavhengige domstolar, og at ein er uskuldig til det motsette er bevist.

Dei tar for seg rettar til privatliv, fri ferdsle, asyl og statsborgarskap. Dei handlar om ekteskap og familie, eigedomsrett, religionsfridom, ytringsfridom, rett til å organisere seg, rett til politisk deltaking, sosial og økonomisk tryggleik.

Dei tar for seg arbeid, ferie og fritid, levestandard, utdanning, rett til deltaking i kulturlivet og vern av opphavsrett, vidare er det artiklar om sosial og internasjonal orden og om dei pliktane alle har til samfunnet.

Fråsegna avsluttar med artikkel 30 som seier at ingen kan ta frå nokon rettane deira.

Last ned artiklane her: https://www.fn.no/content/download/29494/777220?version=1