Olav Tryggvason

Kongen som grunnla Nidaros!

Byens oppkomst kan knytast til Olav Tryggvason (konge 995-1000), som kongesogene reknar som byen sin grunnleggjar.

Det står ei statue av Olav Tryggvasson på torget, laga av Wilhelm Rasmussen i 1921. Olav har sverd og rikseple – vanlige herskarsymbol frå middelalderen. Han trakkar på guden Tor – eit symbol på overvinninga av heidendommen, noko som er vanleg på middelalderskulpturar. 

Nidarosdomen

Kyrkja der Olav den heilage er gravlagd!

Rundt 1070 tok kong Olav Kyrre initiativet til å reise ei Kristkyrkje, som skulle være kyrkje for biskopen. Kyrkja vart utvida i romansk stil då Nidaros vart erkesete i 1152/53. Ein reknar med at kyrkja var ferdig rundt 1300. Den har gjennomgått store forandringar sidan dette.

Eitt år etter Olav Haraldsson sin død vart han helgenkåra etter at kista hans vart opna og liket var like friskt som då han var levande. Sonen til Olav fekk laga eit skrin, der helgenkongen sitt lik skulle oppbevarast. Det var Nidarosdomen som skulle huse Olavsskrinet.

Handel

Handel med England, Island og Grønland!

Nidaros var ein viktig handelsstad i middelalderen. Det er særleg handel med England som er belagt, då det finst detaljerte engelske tollrekneskap som dokumenterer dette. Forutan handelen er det påvist band mellom dei geistlige i Kristkyrkja og katedralen i Lincoln i England, i samband med kyrkjebygginga. Nidaros var i tillegg eit sentrum for handel med Island og Grønland. Frå Island var vadmål den viktigaste vara. Nidaros var også eit sentrum for handel med tørrfisk frå Nord-Norge.