Internasjonal forskarkonferanse i Universitetsaulaen i Bergen

17. og 18. april heldt Moster 2024 internasjonal forskarkonferanse i Universitetetsaulaen i Bergen, med namn «Moster 1024 - Crossroads of Religion and Law in the Conversion of Norway»

Sidan 2022 hadde vi, saman med vår historiske fagkomité, arbeida med å utvikle ein konferanse med mål om å presentera nye trendar innan forsking med relevans til konverteringa og den kristne lovgjevnaden i Noreg. Konferansen hadde ei tverrfagleg tilnærming og tok sikte på å tiltrekke seg forskarar frå ulike disiplin som var relevante for tema. Arkeologi, rettshistorie, historie, idéhistorie, manuskript studie, filologi og teologi var tema konferansen var innom. Sjølv om fokuset var sett på Noreg og norsk rett, var også presentasjonar med eit komparativt perspektiv som trekte område utanfor Noreg inn, også velkomne. Det kronologiske fokuset i konferansen var sett til perioden frå ca. 900 til år 1200.

Konferansen besto av to fulle dagar med program, i tillegg til ein ekstra dag med ekskursjon til historiske Moster. Under konferansedagane i Universitesaulaen heldt 27 faghistorikarar frå 6 ulike land innlegg. Emerita Lesley Abrams frå Oxford University var key speaker, det same var prorektor Torgeir Landro ved NLA Høgskolen. Over 100 menneske satt i salen under konferansedagane, og vi er veldig nøgde med resultatet.

Sjå ei kort oppsummering over stemninga og innhaldet under konferansen i april:

‍I tillegg til å vere ein del av programmet til 1000-årsjubileet på Moster, var konferansen ein del av Landslovsjubileet i Vestland.
‍
Prosjektet vart utvikla i samarbeid med NLA Høgskolen, Universitetet i Oslo, Universitetet i Bergen, Universitetet i Sørøst-Norge og VID Vitenskapelige høgskole. Andre samarbeidspartnarar var Bømlo kommune, Vestland Fylkeskommune, Middelalderklyngen, Bergen kommune, Bymuseet i Bergen, Den norske kyrkja og Høgskulen på Vestlandet.

‍‍Video og bildeinnhald:
Vestland Media AS / Peter Tubaas