Mostratinget for unge

Mostratinget var tidlegare kjent som eit tingmøte heldt ved Moster kyrkje i Bømlo, i år 1024. Her innførte kong Olav Haraldsson og biskop Grimkjell kristendomen som religion i Noreg, og utarbeida dei fyrste lovane kjent for Noreg som rike. 1000 år seinare ønska vi å skape ei lik tilknyting til Moster, men utvikle tinget til ei forsamling av unge mellom 15 og 25 år - på tvers av landet.

Framdriftsplanen for Mostratinget 2022-2024:

• Gi ungdommar praktiske kurs i debatt – både i å leie og delta i debattmøte.
• Gi ungdommar moglegheita til å diskutere seg fram til kva som er dei viktigaste sakene for ungdom no og for framtida.
• La ungdommar leie debattmøte lokalt fram mot lokalvalet. På denne måten kan dei unge få setje dagsordenen for kva som er viktig for dei no og for framtida.
• Samle ungdomsråda i Sunnhordland og Vestland til eit fellesmøte i 2023 der dei får diskutere seg fram til viktige saker for ungdom i vest.
• Samle utsendingar frå nasjonale ungdomsorganisasjonar og ungdommens fylkesting til eit nasjonalt Mostrating der ungdom får diskutere seg fram til fem saker som er viktige for ungdom i framtida. Desse sakene blir lagt fram i ei erklæring til Stortinget i 2024.

I fyrste omgang engasjerte vi unge i Sunnhordland og Vestland Fylke. Målet med prosjektet var då å auke kunnskapen om kommune- og fylkestingsvalet og auke valdeltakinga blant unge under 25 år. Målsettinga vidare var å skape gode verdisamtalar om Noreg og samtida, og til slutt utvikle ei nasjonal forsamling kor unge sjølv fekk vere med å setje dagsordenen. Prosjektleiar Svein Olav Langåker følgde opp med debattkurs for ungdomsråd og ungdomutval fram mot 2024.Fredag 31.mai til søndag 2.juni 2024 inviterte vi, saman med Bømlo ungdomsråd, representantar frå alle fylkesting for ungdom til ei samling under Jubileumsveka på Moster. Her hadde vi eit tett program kor ungdommar frå heile landet tok del i verdisamtaler, workshops og kulturelle arrangement. Eit viktig møte var med stortingspresident Masud Gharahkhani kor dei fekk prata om viktige verdiar i samfunnet, i tillegg til møte med kronprinsparet som tok seg tid til ein samtale med ungdommen på skipet Caroline af Sandnes, i samspel med Verdiseglas 2024.

33 ungdommar frå ulike stader i Akershus, Innlandet, Buskerud, Møre og Romsdal, Nordland, Rogaland og Vestland diskuterte i løpet av helga seg også fram til kva som er dei viktigaste sakene og utfordringane for ungdom i framtida – og kva som er dei viktigaste verdiane å ta med seg vidare. Til arrangementet «Mostratinget for unge» 2. juni kl. 14.00, hadde dei saman planlagt eit framlegg og fekk utfordra representantar frå storting og regjering i ein spørsmålsrunde.

Ordstyrarar for arrangementet var tidlegare leiar for Vestland Fylkesutval Inger Christin Hystad Barane, og leiar for Bømlo ungdomsråd Bjarte Notland Tjensvoll. Politisk medverkande som stilte opp til spørsmålsrunde med ungdommen frå Mostratinget var fylkesordførar i Vestland Jon Askeland, barne- og familieminister Kjersti Toppe, sametingspresident Silje Karine Muotka, og stortingsrepresentantane Odd Harald Hovland og Liv Kari Eskeland.

Arrangementet blei heldt i utearenaen på Moster Amfi med rundt 500 publikum i salen. Arrangementet var gratis.

Sjå smakebit av Mostratinget for unge her.
Sjå heile arrangementet her.

Som resultat av prosjektet blei det laga ei erklæring frå ungdommen som i etterkant blei sendt til statsministar Jonas Gahr Støre, stortingspresident Masud Gharahkhani, alle fylkesordførarane i Noreg, Arbeids- og inkluderingsministar Tonje Brenna, Helse- og omsorgsministar Jan Christian Vestre, Barne- og familieministar Kjersti Toppe, Justis- og beredskapsministar Emilie Enger Mehl, Kultur- og likestillingsministar Lubna Jaffery, Digitaliserings- og forvaltningsministar Karianne Oldernes Tung, Kunnskapsministar Kari Nessa Nordtun, Klima- og miljøministar Andreas Bjelland Eriksen, Forskings- og høgare utdanningsministar Oddmund Hoel og Det Norske Kongehus:
‍

‍Mostratinget for unge var eit prosjekt i samarbeid med Bømlo ungdomsråd, støtta av Erasmus+