Laurdag kveld blir det festkonsert retta mot barn og unge, og her får vi besøk av fleire unge stjerneskot som byr på dans, hits, korsong og fengande jubileumslåt!

Etter sin verdige seier i Melodi Grand Prix Junior, har 15 år gamle William etablert seg som ei lysande stjerne på den norske musikkhimmelen. Han har blitt ein populær artist til barne- og familiearrangement i heile landet, har sleppt fleire låter og opptrådt på store arrangement som “Allsang på Grensen” og opningsshowet til Norway Cup. I mars kom jubileumslåta «FRIDOM» som William laga med Moster 2024. Denne kvelden vil han synge fellesskapssongen saman med publikum og lokale barnekor.

Ei anna glitrande stjerne er 15 år gamle emma, også kjent som veslesøstera til Marcus og Martinus. emma har vore artist sidan ho var 8 år, og nådd langt dei siste åra med turnear rundt i landet, opptredd på VG-lista, Norway Cup, og eigen konsert på Parkteatret i Oslo. Som barnestjerne gjorde emma stor suksess med hits som «Fått deg på hjernen», «Happy», «Engler i Sne», og «Million» som til saman har hausta inn over svimlande 75 millionar streams på tvers av plattformar.

No gler vi oss til at dei begge skal stå på scena i utearenaen Moster Amfi. Det skal også dei lokale barnekora Sveio barnekor, Stord SoulChildren og Bømlo SoulChildren, som vil framføre to eigne låtar mellom artistane, og blir med å framføre jubileumssongen «FRIDOM» med dansarar frå Bømlo kulturskule.‍

Artistar: William og emma

Konferansierar: Bianca Freitas Fylkesnes og Lars Mjanger Molde

Medverkande: Sveio barnekor,Stord Soul Children, Bømlo Soul Children, Bømlo kulturskule