Konsert med den eldste kyrkjemusikken!

Med biskopar, prestar, nonner og munkar kom også song til Noreg. Det var den gregorianske songen, som er den eldste europeiske kyrkjemusikken vi har. Den blei samla og satt i system i Frankerriket under Karl den stores tid på 700–800-tallet, med utgangspunkt i enda eldre tradisjonar, og blei etterkvart felles for heile det katolske Europa. Her i Noreg klang den i kyrkje og klostre gjennom heile mellomalderen.

På konserten skal vi få høyre songar frå det eldste repertoaret – musikk som allereie var gammal da den kom her på 1000-talet. Det blir også smakebitar frå den norske Olavsmusikken frå høgmellomalderen og dømer på korleis dei gamle melodiane fortsette å inspirera komponistar heilt fram til vår eiga tid.

Consortium Vocale Oslo synger under leiing av Alexander M. Schweitzer.

Consortium Vocale er eit mannsensemble tilknyta Oslo domkirke, danna i 1985. Sidan 1998 har gruppa spesialisert seg på gregoriansk song under leiing av den tyske gregoranikkeksperten Alexander M. Schweitzer. Med han har Consortium Vocale gitt ut sju CD-ar som har vore viktige bidrag til både det norske og internasjonale arbeidet med gregoriansk song. Consortium Vocale Oslo samarbeider jamleg med musikarar innanfor ulike sjangrar, blant anna Trio Mediæval, Berit Opheim, Rolf Lislevand, Nils Økland, Tord Gustavsen og Kåre Nordstoga.

‍

Billettpris: 300 inkl. billettavgift

BIllettar kan du kjøpe her