Under 1000-årsjubileet inviterer vi til offisiell opning av utstillinga denne freden i Tollhagen. Utstillinga er ei separatutstilling laga spesifikt til Jubileumsfeiringa på Moster, og vil vise nye arbeid av Karoline Emmerhoff som veggtavler, lysestakar og krukker i keramikk. Utstillinga tek inspirasjon frå og utgangspunkt i Emmerhoff sitt bidrag i konkuransen om ny bispekåpe til Stavanger biskop. Dette har funne si form i keramiske verk som skal stillast ut under Jubileumsveka. I denne freden er det lagt stor vekt på Jesus sine fredshelsingar. Til utstillinga har Emmerhoff henta inn skrift-signaturar som ho har pusla saman og til slutt brukt til å lage avtrykk i leire. Utstillinga er i samarbeid med Bømlo Kunstlag og Moster 2024. 

Karoline Emmerhoff, er oppvaksen i Sveio og bur no i Haugesund. Ho har ei faglærarutdanning i forming frå Telemark Lærarhøgskole og er autodidakt medlem av Norske Kunsthåndverkere.  Emmerhoff arbeider aller mest med keramikk og tekstil, tett opp mot biletkunst. Allmenne og eksistensielle tema ligg til grunn for mykje av hennar skapande arbeid. I tillegg har ho dei siste åra arbeida med større tverrfaglege prosjekt som utstillinga Sinus i minus og konsertframsyninga Krukkesong.

Les meir om Karoline Emmerhoff hos Norske Kunsthåndverkere.

Opningstider

• Tysdag 28. mai kl. 16:00 til 21:00
• Onsdag 29. mai kl. 12:00 til 18:00
• Torsdag 30. mai kl. 12:00 til 18:00
• Fredag 31. mai kl. 12:00 til 18:00
• Laurdag 1. juni kl. 12:00 til 18:00
• Søndag 2. juni kl. 12:00 til 18:00