Som avslutning på den store festdagen og på veg inn i sommarnatta, blir det økumenisk midnattsgudsteneste i Moster gamle kyrkje, laurdag 1. juni kl. 23:00.

Predikant for messa er Stephen Cottrell, erkebiskop av York. Liturgar for gudstenesta er biskop Erik Varden, katolsk biskop i Trondheim Stift, Erhard Hermansen, generalsekretær i Norges Kristne Råd og Ragnhild Jepsen, biskop i Bjørgvin. Koret Consortium Vocale Oslo deltek også med gregoriansk song, slik det kanskje lydde i mellomalderen da ein feira gudsteneste i denne kyrkja. 

Gudstenesta vil føregå på norsk og engelsk, og vil bli strøyma på same tidspunkt i Verditeltet om fleire ønskjer å ta del.