I 2022 var Moster 2024 stoltco-produsent og medarrangør av urframsyninga LAND i Moster Amfi. Ei unik og altomsluttande framsyning inspirert av det vestlandske terrenget. LAND er ei utandørs danseframsyning som skildrar forholdet vi har til landskapet vi bur i og beveger oss gjennom. Ved å slå saman dans, vokal, musikk og poesi, utforskar LAND samspelet mellom våre indre og ytre opplevingar av naturen, og omsetjar uttrykket til fysiske og emosjonelle element. Denne gongen set vi forestillinga opp i nytt landskap på Moster med fem dansarar. Dei vil igjen bruke element frå naturen og vise eit utdrag frå den større versjonen vi fekk sjå i Moster Amfi i 2022. Dette utdraget vil innehalde nøkkelaugeblikk frå stykket og bli veva saman til ei eiga heilskap. LAND er ein del av laurdagsprogrammet til Jubileumsveka Junior, men også ein del av Jubileumsfeiring med KORK / «Mostrasuite». Uteframføringa på Torasletto er gratis, og alle er velkomne.

Framsyningar:
‍01.06 kl. 10:15 Danseframsyning, Torasletto
01.06 kl. 18:30 Danseframsyning, Torasletto

Dansarar: Martine Bentsen, Marie Bru Eide, Cesilie Kverneland, Ingvild Maria Thingnes og Oda Østenstad Fjell

Kunstnarlisk leiar og koreograf: Anna-LiseMarie Hearn

Komponist: Christopher Benstead

Vokalistar: Annette Berning, Helga Farestveit, Atul Giri, Bjørg Sofie Eline Sætre and Jakub Niedziela

Poesi: Solveig Johanne Grønstøl

Kostymer: lnes Neto dos Santos

Produsent: Mia Julie Wiland

Co-produsent: Moster2024 ved Vilde Lunda lSantell

‍

Les meir om prosjektet her.

Prosjektet er støtta av Kulturdirektoratet, FFUK, og Bømlo Kommune.

‍

‍

‍