Fredag 31. mai kl. 22.00, blir det allsong, lovsong og korsong i saleg blanding, leia av Bømlo Gospel med dirigent Øystein Lund Olafsen.

Programmet vert bunde saman av TV-profil Jan Erik Larssen i eit friskt talkshow med nasjonale gjester.

Arrangementet vil ta utgangspunkt i jubiléet sitt motto om å sjå til fortida for å forma framtida - der ein vil løfta fram det positive ved den kristne kulturarven, og kva den kan ha å seia for den nasjonale identiteten vår og verdival framover.

Av programmet kan me nemna:

• Utdrag frå framsyninga "I slik ei natt" der Tore Hund blir spelt av skodespelar Håkon Kvarven Paulsen
• Prat med forfattar Ole Petter Erlandsen som nettopp har gitt ut bok om Kristenretten; "Anno 1024 - Året som forvandla Noreg"
• Politisjef Astri Johanne Holm fortel om korleis dei kristne verdiane påverkar henne i jobben som politi, samt korleis ho hentar styrke frå Gud i jobben som politisjef med til dels svært krevjande oppgåver. Ho er leiar for vald i nære relasjonar/Oslo aust, samt har erfaring frå Afghanistan der ho var leiar for opplæring av dei kvinnelege politistyrkane.
• Ellen Vold fortel om en personlig tro som holder, og utfordringer i tro og liv.  korleis Gud har hjelpt henne gjennom ei vanskeleg tid
• Vebjørn Sand om engasjement for menneskerettar via kunsten og gjennom prosjektet Roseslottet
• Håvard Sand om boka "Det første i vår lov - Norges grunnstein gjennom 1000 år" og turneen i samband med dette.
• Farmen-prest Thor Haavik vil også halde appell med utgangspunkt i dei røtene vi har historisk og etisk frå Kristenretten.

Forestillinga er ein del av Jubileumsveka på Moster i 2024.

For meir informasjon om Moster 2024 og arbeidet fram mot Jubileumsveka, sjekk moster2024.no/jubileumsveka og https://moster2024.no/felleskristen-komite

‍

Medverkande: Bømlo Gospel, Jan Erik Larssen, Thor Haavik, Astri Johanne Holm, Ellen Vold, Vebjørn Sand, Håvard Sand, Ole Petter Erlandsen, Håkon P. Kvarven og pilegrimar frå Christian Radich.

Musikalsk leiar: Øystein Lund Olafsen

Arrangør: Felleskristen Komite og Bømlo Gospel

Produksjonsleiar: Jon Andreas Tjentland